Atzo bildu ginen “Tito Blas"en mustio bat egiteko. Legamiko kide bakoitzak mustioa hartzituko du nahi duen legamiarekin, eta nahi izanez gero beste zerbait (fruta, azukrea, egurra, bakteriak, lupulua,…). Baina bestelako maltarik ezin dugu sartu. Aste batzuetan garagardo guztiak daztatzeko elkartuko gara, ea zer egin duen bakoitzak “orri txuriaren” gainean. Gure mustioa 25 Ibu dauzka eta 85% pale/ 15% garia da 1049 ko dentsitatearekin. Milesker Angel eta Sira zuen arretagatik.

Irailerako genuen Kölsch estilo-kata, Alemania aldeko estiloa, jazo zen hilaren azkenean. Dastaketarako bertoko bi garagardo topatu genituen: La Salve eta Basqueland. Etxean egindakoen artean, 3 partaide ausartu ziren euren elaborazioak ekartzera!

Esan genuen bezala, pasa den 24an, Aste nagusia aprobetxatuz eta Marijaiaren oniritziarekin, Dougall’s en azken sigle hop IPA dastatzeko elkartu ginen. El dorado, hain zuzen ere. Lupuloaren maitaleok benetan gozatu genuen, nahiz eta batzuentzat session izateko lupulo gehiegi eraman. Elkartearen kideen artean aurpegi berriren bat ikusi genuen, bai eta guk etxean egindako garagardo batzuk edan ere, noski. Mila esker Dougall’s-eko taldeari emandako tratu itzelagatik.

Gaur denetarik izan dugu: Legamia elkartearen batzar orokorra, estilo-kata eta bazkaria! Eskerrik asko etortzeagatik, Quique: gozamen handia izan da guretzat Dougall’s-en session Stout-arekin gure etxeko elaborazioak konparatzea, eta jatorrizko egilearen kritika konstruktiboak jasotzea.

Facebooken iragarri genuen bezala, pasadan igandean Algortako Txinuk tabernan elkartu ginen English Bitter estiloko kata egiteko asmoarekin. Lau garagardo komertzial dastatu genituen: Bombardier Beer, Fuller’s,Young’s Beer eta Mala Gissona eta Drunken Bros-en arteko lankidetza bat. Partaide batzuk euren etxean egindako hainbat garagardo ere dastatu genituen, eta aitortu behar dugu ez zietela komertzialei enbidiarik izan beharrik. Hurengoa noiz ospatuko den irrikaz geratu gara denok!

Artisau garagardoen salmenta solidarioa Santurtziko Bar La Roca tabernan izango gara eguerdiko 12etatik gargardoak bukatu arte! Bildutako dirua ASCAAN Animalien Abandonoaren Kontrako elkartearentzat izango da.

Hainbat hilabetetan buru-belarri lanean ibili ostean, Martxoaren erdialdean gozatu genuen azkenean ACCE-ren urteroko kongresua Gran Bilbao hotelean.